මොණර පෙම #2

<< මොණර පෙම #1

'මං ඔයාගෙ අතින් අල්ලන්නද ? '

මුහුද ගාව බංකුවෙ මට වඩා අඩි බාගයක් විතර ඈතින් වාඩි වෙලා ඉඳපු මයුරිගෙන් ඇහුව.ඒ අපි පාසලෙන් පිටදි හමුවුන පළමු වතාව.

'- එපා...........'

එයා ඒක කියපු විදියට නම් මට හිතුනෙ 'අනේ අල්ලන්න බැරි නම් කන්නකෝ' කියන්න වගේ.. ගෑණු ලමයි කවදාවත් හිතේ තියෙන දේ පිට පෙන්නන්නෙ නෑ කියල මම පොතක කියවල තිබුනෙ හොඳ වෙලාවට.බොරුවට අකමැත්ත පෙන්නන්නෙ.මම හෙමින් මයුරිගෙ ඇගිල්ලකින් ඇල්ලුව.

'- කිව්වනෙ එපා කියල.....මැට්ට'

යකෝ මාර වැඩක්නෙ.කෙල්ලෙක් එක්ක යාලූ වෙලා අතින්වත් අල්ලන්න නැද්ද ? ඒවට තව කෙල්ලෙක් හොයා ගන්න ඕනද ? මමත් බොරුවට මූණ උල් කර ගත්ත.

'- අනේ...... ඕකනෙ, මගේ නපුරු කොල්ලට විහිලුවක්වත් තේරෙන්නෙ නෑනෙ'

මයුරි බලෙන්ම මගේ අත ඇදල අරන් මගේ ඇඟිලි අතරින් එයාගෙ ඇගිලි දාගත්තා..අම්ම්මට සිරි පට්ට සිනිදුයිනෙ,මල් පෙත්තක් වගේ .

'- අනේ බලන්නකෝ '

ඕකනෙ මං කිව්වෙ කෙල්ලොන්ගෙ අමු බොරුව තියෙන්නෙ කියල.ඒත් බෑ..මමත් දැන් බොරුවට ගණන් උස්සන්න ඕන..මට හරි ආසයි මෙයා මං ඉස්සරහ නාහෙන් අඬල හුරතල් වෙනව බලන්න.

'ඕන නෑ...යන්න'

'- ආව්.... මගේ නපුරු කොලු පැටියට තරහ ගිහින්,කෝ බලන්න මූණ ? '

එයා මගේ නිකටෙන් අල්ලල මූණ එයාගෙ පැත්තට හරව ගත්ත..ඒ පාර නම් මට බකස් ගාල හිනා ගියා..

'-අම්මෝ ඇති යන්තම්'

එහෙම කියල එයා මගේ අත එයාගෙ උකුලට අරන් මගේ උරහිසට වාරු වෙලා ඔළුව තියා ගත්ත. ඒ වෙලාවෙ නම් මට දැනුණු හැඟීම වචනයෙන් විස්තර කරන්න අමාරුයි.මාව හිරි වැටිල ගියා වගේ..මට ඒ වෙලාවෙ පුදුම ආදරයක් මයුරි ගැන ඇති උනේ..

'මයුරි........'

'-හ්ම්ම්ම්ම්ම්..'

'ඇයි මට ආදරේ කරේ ?

මං සාම්ප්‍රදායික හැම පෙම්වතෙක්ම අහන ප්‍රශ්නෙ ඇහුව..

'- මං දන්නෑ '

මයුරිත් හැම පෙම්වතියක්ම දෙන සාම්ප්‍රදායික උත්තරයම දුන්නා. එතකොට හැමෝම ආදරේ කරන්නෙ නොදන්න හේතුවකටද ?

'ඇයි මං වගේ හෝතම්බුවෙකුට කැමති උනේ ? '

'-එන්නකො කියන්න'

මයුරි රහසක් කියන්න හදන්නෙ කියල මට තේරුණා.ම ටිකක ඔලුව පහත් කරා..මයුරිගේ හුස්මවල උණුසුම මගේ මූනට වැදෙනව මට දැනෙනව..

'අම්මෝ.... ආව්'

මේකි හැපුවනෙ. දෙයියනේ මගේ කණ..ලේත් එනවද මංදා..ඔය හිනා වෙන්නෙ හැක...හැක ගාල..ඒ මදිවට අනිත් බංකුවල ඉඳපු කපල් සේරම මගේ සද්දෙට මේ පැත්ත බලාගෙන..ලැජ්ජාව මුහුදෙන් එකයි..

'- ආපහු මගේ යසිත් පැටියට හෝතම්බුව කිව්වොත් කන ගලවනව'

හ්ම්ම්ම්ම්ම්ම්ම්ම්ම්ම්..එහෙනම් මේ ආදරේ පෙන්නන්න.. ඒත් මෙහෙම ආදරේ පෙන්නුවොත් අවුරුද්දක් විතර යනකොට මට හොස්පිටල් එකේ නවතින්න වෙයි ජලභීතිකාව හැදිල.. ඒක මට කියන්න කට ආවත් කිව්වෙ නෑ..මුල්ම දවසෙ වලි දා ගන්නෙ මොකටද..මයුරි ආපහු මට වාරු උනා..මං මයුරිගෙ නිකටෙන් අල්ලල මගේ පැත්තට හරව ගත්ත..හෙමින් එයාගෙ රෝස පාට කම්මුල සිප ගත්ත. එතකොට රෝස පාට කම්මුල් රතු පාට උනා..මට තවත් ආසයි..ම තව එකක් දුන්න වෙන පාටක් වෛද බලන්න..තවත් එකක්..තවත් එකක්..නෑනෙ..සත්තයි ඒ හැඟීමේ වෙන කිසිම නරක අදහසක් තිබුනෙ නෑ..ආදරය විතරමයි..ඉතින් මම ඒ හැඟීමට අවසර දුන්න..මයුරි ඇස් පියාගෙන හිටියෙ...

විසිල් හඩක් ඇහිල අපි දෙන්න උඩ විසික් උනා..

"ඕයි මේතනට දෙමවුපියො එක්ක පොඩි උන් එනව පේන්නෙ නැද්ද ? ඕව කර ගන්න පලයව් හෝටල් කාමරේකට..පලයං දැං මෙත්නින්..නැත්තම් ගිහින් දානව කූඩුවට"

අපේ ප්‍රථම ආදර හමුවීම නපුරු මායාකාර පොලිස්කාරයෙක්ගෙන් අවසන් උනා.. TV එකේ යන කතාවල  තියෙන ඒව දැකල පොඩි උන් අම්මලගෙන් අහන්නෙ නැද්ද එතකොට ඒ මොනවද කියල.අනේ මංදා..කොහොම උනත් අපි නැගිටල එන්න ආව.. මේ විකෘති සාමාජයේ හැමෝම ආදරයයි ලිංගිකත්වයයි පටලවන්.. ඔතන  දරුවෙක් අම්ම කෙනෙක්ට උම්ම දුන්න නම් ඒක හරි.. මේක වැරදි.. ආදරේ එකම පාටයි.. කවුරු ඒක මොන විදියට අර්ථකතනය කරත් ආදරේ ආදරේමයි...

මොණර පෙම #3 >>