හලාල් සමඟ වලි කෑම

facebook එකේ දැකලම පත්තියම් උන දෙයක් තමයි මේ හලාල්. මං මුලින් ඇත්තටම මේ මොකක්ද කියල දැනගෙන හිටියෙ නෑ. පස්සෙ අනිත් යාළුවොන්ගෙ බ්ලොග් පෝස්ට් වලින් තමයි මේක ගැන දැන ගත්තෙ... මං මේ ගැන මගේ පෞද්ගලික අදහස ඉදිරිපත් කරන්න කලින් මේ මට නෙට් එකෙන්ම හම්බ උන ලිපි බලන්න..

බොදුබලසේනා ප්‍රකාශය උපුටා දැක්වීම:

බොදු බළ සේනා සංවිධානයේ මහ ලේකම් ගලබොඩඅත්තේ ඥානසාර හිමියෝ පවසා ඇත්තේ සිංහල ජන සමාජය මත බලහත්කාරයෙන් පටවන ලද ‘‘හලාල්’’ ලාංඡනය සහිත පාරිභෝගික භාණ්ඩ වර්ජනය කළ යුතු බවද, එවැනි ලාංඡනය සහිත අමතර මුදලක් වැය කිරීමට සිංහල ජන සමාජයට කිසිදු අවශ්‍යතාවයක් නැතැයි ද යනුවෙනි.

එමෙන්ම වැඩිදුරටත් පවසා ඇත්තේ “අද රටේ පාරිභෝගික භාණ්ඩ 4000 ක පමණ හලාල් සලකුණ ඇතුළත් කර තිබෙනවා. මේ හලාල් සලකුණ වෙනුවෙන් අදාළ වෙළඳ සමාගම් වාර්ෂිකව ගෙවන රුපියල් දෙලක්‍ෂයකට ආසන්න මුදල පියවා ගන්නේ ඒ භාණ්ඩවල මිලෙනුයි. අනවශ්‍ය ලාංඡනයක් වෙනුවෙන් සිංහල ජන සමාජය අතර මුදලක් වැය කරන්නේ ඇයි? අපට ඒ ලාංඡනය අවශ්‍ය නැහැ. හලාල් ලාංඡනය නැති භාණ්ඩ මිලදී ගන්නැයි අප සිංහල ජන සමාජයෙන් ඉල්ලීමක් කරනවා.

‘‘හලාල්’’ ලාංඡනය පාරිභෝගික භාණ්ඩ මත යෙදවීමෙන් එක්තරා සංවිධානයක් උපයා ගන්නා මුදල් යොදවනු ලබන්නේ ඉස්ලාම් මතවාදය ප‍්‍රචාරය සහ ඉස්ලාම් ආගමිකයන් අතරේ මිත‍්‍රත්වය තහවුරු කිරීම යනාදී කටයුතු වෙනුවෙනුයි. එවැනි කටයුතු වෙනුවෙන් අපි මුදල් ලබා දෙන්නේ කුමකටද?

පිටරට පටවන භාණ්ඩවලට ‘‘හලාල්’’ ගැහුවාට අපට ප‍්‍රශ්නයක් නැහැ. අප විරුද්ධ වන්නේ රටේ සියලූ ජනතාවට හලාල් කැවීමටයි. මුස්ලිම් ජනතාවට ‘‘හලාල්’’ භාණ්ඩ අවශ්‍ය නම් ඒවා ඔවුන්ගේ ආගමික ස්ථානවලින් නිකුත් කළ හැකියි.

හලාල් සලකුණ පොදු පාරිභෝගික භාණ්ඩවලින් හකුලා ගන්නැයි අප ඉල්ලා සිටිනවා. එසේ නොකළහොත් මේ ගැන රට දැනුම්වත් කිරීමට පියවර ගන්නවා. අපට පිරිකර හැටියට ලැබුණු භාණ්ඩ රැසකත් ‘‘හලාල්’’ සලකුණ සඳහන් කළ භාණ්ඩ රැසක් තිබී හමුවීමෙන් පසුව අප ඒවා ප‍්‍රතික්ශේප කළා. (එවැනි භාණ්ඩ රැසක් මාධ්‍යවේදීන් ඉදිරියේ ප‍්‍රදර්ශනය කරයි)

අප මේ ‘‘හලාල්’’ ලකුණ යෙදීම දකින්නේ විශාල අනතුරක සේයාවක් හැටියටයි. මේවා ගැන ඇතැම් දේශපාලනඥයන් අද කතා කරන්නේ නැහැ. ඒ පටු අරමුණු නිසාය. අප මේවා පෙන්වා දෙන්නේ පටු ජාතිවාදී සහ ආගම්වාදී අරමුණකින් තොරවයි.”

උපුටා ගැනීම අවසන්

---

---

මේ පහත ලිපියත් කියවන්න...
සමස්ත ලංකා ජ්මියියතුල් උලමා : ඉස්ලාමීය ආගමික වියතුන්ගේ සංගමය ඉදිරිපත්කල ලංකාදීප පුවත්පත් ලිපිය


දැන් මේක ගැන මං කියන්න ගියාම ජාතිවාදියා ආගම්වාදියා තව අපේ දෙමව්පියොත් මතක් කරයි.ඒත් මං මගේ පෞද්ගලික මතය කියන්න ඕන..
මං දැනට අනුමාන කරන විදියට ලංකාවෙ නිශ්පාදන 85% කට වඩා දැනට මේ හලාල් සහතිකය අරගෙන. ඉතිං ඒ ඔක්කොම වර්ජනය කරන්න කියන එක ප්‍රායෝගිකද ?

(ඔබ මේ පහත එකදු භාණ්ඩයක්වත් මේ හේතුව නිසා පරිභෝජනය නැවැත්තුවාද ? )

මේ ඒවයින් ඉතා සුළු කොටසක්

මුස්ලිම් උන්ගෙත් හොඳ මිනිස්සු ඉන්නවා. මනුස්සකම තියෙන උන් ඉන්නවා. සිංහල අපෙත් ජඩ වැඩ කරන උන් ඉන්නවා..

ෆේස් බුක් එකෙන් මේකට විසඳුමක් හොයන්න පුළුවන්ද ?

මුස්ලිම් අය අපේ බුදුහාමුදුරොන්ට බනිනවා. අපි උන්ගෙ දෙවියන්ට බනිනවා.. ආපහු බුදුහාමුදුරොන්ට බනිනවා. අපි උන්ගෙ දෙවියන්ට බනිනවා.. ආපහු,
බුදුහාමුදුරොන්ට බනිනවා. අපි උන්ගෙ දෙවියන්ට බනිනවා
බුදුහාමුදුරොන්ට බනිනවා. අපි උන්ගෙ දෙවියන්ට බනිනවා
බුදුහාමුදුරොන්ට බනිනවා. අපි උන්ගෙ දෙවියන්ට බනිනවා,

මේක අවසානය මොකක්ද ? උන් අපිව නැති කරන්න හදනවා. අපි උන්ව නැති කරන්න හදනවා.. අනිවා ආපහු යුද්ධයක් පටන් ගන්න මේක හොඳ හේතුවක්....  මතක තියා ගන්න පුංචි ගිණි පුළිඟුවකට පුළුවන් ලෝකයක්ම ගිණි තියන්න.
මේව දකින සුද්දො ලංකාව ගැන මොන වගේ ප්‍රතිරූපයක් ගොඩ නඟාගනීවිද ?

කිසිම ජාතියක් කැමති නෑ තවත් එකෙකුට යටත් වෙන්න. එහෙම වෙන්න ඕනත් නෑ. හැමෝම රතු පාට ලේ දුවන මිනිස්සු. මං නොදන්නව නෙවෙයි මුස්ලිම් (ඇතැම්) උන් කරන ඒව. ඒ වගේම අපේ උන්ගෙ වැඩත්..

මුස්ලිම් සහෝදරයනේ, සිංහල මිනිහා හොඳට හොඳයි පණ උනත් දේවි. හැබැයි අනිත් පැත්තටත් එහෙමයි. උඹලට මේ රටේ නිදහසේ අනිත් සිංහල මිනිස්සුන්ට තියෙන හැම අයිතිවාසිකමක්ම සමානව තියෙනව.. ඉතිං තවත් මොන රෙද්දකටද මේ වලි කන්නෙ ? ආපහු සිංහල මුස්ලිම් කෝලාහලයක් ඇති කර ගන්නද ?

සිංහල කොල්ලනේ, මුස්ලිම් කියන්නෙත් ලංකාවෙ පිළිගත් ජාතියක්. උන් එක්ක හොඳින් ඉන්න බැරි ඇයි.. ?
Etisalat, Nolimit වර්ජනය කරාම හරිද ?
හරි... එහෙම කරා කියමු.. අපේ එකෙක්වත් ඒව නොගත්තම උන් බංකොළොත් වෙයි. එළ.. ඒත් එතකොට ඒවයි වැඩ කරන සිංහල උන්ගෙ රස්සා නැති උනාම උන්ගෙ පවුල් වලට කන්න අඳින්න ආණ්ඩුවෙන් නොමිලේ දෙනවද ?

එහෙම කරන්නම ඕන නම් ලංකාවෙ සිංහල ගෑණු පිරිමි මුස්ලිම් රටවල වැසිකිළි සුද්ද කරන්න යවන එක නැවත්තලම මේ ගැන කතා කරොත් හොඳයිනේ......
ලංකාවෙ සිංහල අපි උන්ගෙ භාණ්ඩ වර්ජනය කරනව නම් අපේම උන්ට සවුදි, ඩුබායි ගිහින් හම්බයොන්ට සක්කිලි වැඩේ කරන්න ඉඩ දෙන්නත් හොඳ නෑනේ..... මං වැරදිද ?

මචංලා.. අවුරුදු 30ක් තිස්සෙ යුද්ධ කරා.. ඒ කාලෙ අපි දෙමළ මනුස්සයෙක් දිහා බැළුවෙත් වෛරයෙන්. උන් අපි දිහා බැළුවෙත් එහෙමමයි.
දැං ඒක ඉවරවෙනකොටම අනිත් උන් මරා ගන්න හදනවා. ආපහු යුද්ධයක් පටන් ගන්න.. මේවත් විදේශ කුමන්ත්‍රණද ?

අපි බෞද්ධයො විදියට පුනරුප්පත්තිය විස්වාස කරනවනේ.. දැං මෙහෙම අනිත් උන්ට කෙනෙහිලිකම් කරල අපි පොරවල් වගේ මැරුණ කියමුකෝ. ඊළඟ ආත්මෙත් අපි මේ ජාතියෙම ඉපදෙයි කියල මොනවද තියෙන සාධක ?? එතකොට ඉපදුණු ජාතියෙ උන් එක්ක සෙට් වෙලා අනිත් උන්ට ගේම් ගහයි. ආපහු මැරිල මේකෙ ඉපදිලා අරුන්ට ගේම් අදිවි..... ඕක සංසාරෙ තියෙනකම් නොකඩවාම වෙයි..

මං දන්නෑ.. මෙහෙම රට ඇතුලෙම අර්බුධ හදා ගනිද්දි තව තවත් කෙලවෙන්නෙ සිංහල උන්ටවත් මුස්ලිම් උන්ටවත් නෙවෙයි, ලංකාවෙ උන්ට..