Data රැකගෙන බ්ලොග් කියවමු

ම්ම්ම්ම්.. සතියකින් විතර මුකුත් ලියන්නත් බැරි උනා. දැං ටිකක් කාර්යබහුලයිනේ ඒත් ජම්මෙට වඩා මේක ලොකු නිසා බ්ලොග් කර්මාන්තෙන් නම් විශ්‍රාම ගන්න අදහසක් නෑ..

මං නෙට් එන්න පාවිච්චි කරන්නෙ ඩයලොග් Limited Data package එකක්. ඉතිං data කියන එක මාර විදියට අරපිරිමැස්මෙන් පාවිච්චි කරන්නෙ. දැනට මං අනිත් යාලූවන්ගෙ බ්ලොග් 179 ක් ෆලෝ කරනවා. ඉතිං දවසකට අනිවා පෝස්ට් 30ක් 40ක් රීඩරේට එනවා. සමහර සයිට් ගොඩක් බර වැඩී. ඉතිං දවසකට ඔය ටික කියවන්නයි කොමෙන්ට් කරන්නයි 100mb වලට වඩා යනවා. මං හැම තිස්සෙම උත්සාහ කරන්නෙ එක පෝස්ට් එකක්වත් මඟ නොහැර කියවන්න. දවස් 20ක් ගත වෙන්න කලින් මේකටම ඩේට ටික ඉවරයි
ඉතිං මං මගේ මෙව්ව එක හොඳටම වෙහෙසවල මේකට විසඳුමක් කල්පනා කරා. මං දන්නව මට වගේම තවත් ගොඩ දෙනෙක් මේ දැවෙන ප්‍රශ්නෙන් දැවි දැවී ඉන්නෙ කියල. ඉතිං සි‍යළු data පෙරේත බ්ලොග් කියවන්නන් වෙනුවෙන් මං පෙනී සිටින්න තීරණය කරා

ඔහොම කල්පනා කරද්දි මට ටිකිරි මොලේ පහල උනා.. බ්‍රවුසරේ image loading disable කරත් වැඩක් නෑ. සමහර පෝස්ට් වල අර්ථය නැති වෙනව. විජෙට්, තීම් ලෝඩ් වෙන්න තමයි වැඩිපුරම ඩේට වැය වෙන්නෙ. ඉතිං ඕව ලෝඩ් නොවී පෝස්ට් එක කියවල කොමෙන්ට් එක දාල යන්න පුළුවන් නම්.......

හරී..... යුරේකා යුරේකා.. ඇයි මතක නැද්ද බ්ලොග් එකට mobile view එකක් තියෙනවා.. ඕනම බ්ලොග් එකක මොබයිල් තීම් එක active කරල නම් ඒක පහසුයි..

 දැන් සාමාන්‍යයෙන් අපි පරිගණකයකින් බ්ලොග් එකකට මේ මොබයිල් තීම් එකෙන් කියවනව නම් URL එක අගට ?m=1 කියල ඇතුලත් කරන්න ඕන. නැත්නම් සාමාන්‍ය තීම් එකමයි ලෝඩ් වෙන්නෙ.

• http://www.yasith.net?m=1

ඉතිං ඕක හැම කියවන පෝස්ට් එකක් අගටම ගගහ ලෝඩ් කර කර කියවන්න ගියාම මොන කරදරයක්ද? ඕකට මං පොඩි විසඳුමක් ගෙනාවා. මංම ලියපු එකක්.. මෙහෙමයි භාවිතා කරන්නෙ.

• ඕනම බ්ලොගර් බ්ලොග් පෝස්ට් එකක් මේකෙන් අවම ඩේට ප්‍රමාණයකින් කියවන්න පුළුවන්.
• ඔයාට එදිනෙදා හම්බවෙන බ්ලොග් පෝස්ට් වල Link එක මේ විදියට කොපි කර ගන්න.

 

• දැන් මේ කොපි කර ගනිපු බ්ලොග් ලින්ක් එක මේ මගේ Data Saver Blog Reader එකේ URL box එකට copy-paste කරල View Blog බොත්තමට කොටන්න.

 

• දැන් පට ගාල ඒ පෝස්ට් එක කොමෙන්ට් ටිකත් එක්ක ලෝඩ් වෙයි.

•  සාමාන්‍ය විදියට කොමෙන්ට් කරන්නත් පුළුවන්

1.  කොමෙන්ට් කරල Publish කරද්දි ආපහු redirect වෙන්නෙ සාමාන්‍ය තීම් එකමයි. ඒ නිසා කොමෙන්ට් එක පබ්ලිශ් වෙන්න redirect වෙද්දි tab එක close කරන්න. අවුලක් වෙන්නෙ නෑ.
2. කෙලින්ම URL එක ටයිප් කරල බ්ලොග් කියවනව නම් මුලට http:// යොදන්න මතක තියා ගන්න..

මට තාම Programming ගැන මහ දැනුමක් නෑ. තාමත් ඉගෙන ගන්නවනෙ. මේකෙ ක්‍රියාකාරීත්වය කියනව නම් Frameset 2 ක පේජ් 2ක් ලෝඩ් කරනව. උඩ URL jump box එකේ URL එක ටයිප් කරල go කරද්දි ඒක 2 වෙනි frame එකේ URL එක අගට ?m=1 කියල එකතු කරන් ලෝඩ් කරනවා. එච්චරයි

---

---

හරිනෙ එහෙනම්.. වැදගත් උනා නම් එච්චරයි..ආ තව දෙයක් මං ළඟදි ඉඳන් පොඩි සමීක්ෂණයක් කරනවා

1. ඔයා පෙම්වතෙක් නම් ගෑල්ලමය බලන්න යන මුල්ම දවසෙ එයාට ගෙනියපු තෑග්ග මතකද ? 
2. ඔයා පෙම්වතියක් නම් ඔයාගෙ ආදරවන්තය මුලින්ම දීපු තෑග්ග මතකද ?
3. අනාගතේ ආදරේ කරන්න බලාපොරොත්තු වෙන අයත් මුලින්ම දෙන්නෙ මොන වගේ දෙයක්ද කියල යන්නකෝ..

(සමීක්ෂණයක් විතරලු හොදේ )