හරක් කොත්තුව

මං Institute ඉවර වෙලා සතියට දවස් තුනක් කඩ්ඩ පොලිෂ් කරගන්න හිතන් වැඩිහිටියන් සඳහා පමණක් (18+) වෙන් උන නයිට් ක්ලාස් එකකට යනව. කඩ්ඩ කොහොම උනත් මේ මාස දෙකට සිරා වයස 50,60 වයසින් අංකල් ඇන්ටිල උන, මනසින් කොල්ලො කෙල්ලො සෙට් එකක් නම් සෙට් උනා.

ඉතින් දවසම ඉගෙන ගෙන ආපහු රෑටත් ඉගෙන ගනිද්දි මාර සනීපයි. ඒත් මොනව කරන්නද? රටට සමාජයට වැඩදායී පුරවැසියෙක් බිහි කරන්න නම් ඉගෙන ගන්නම ඕනනෙ.

ඉතිං ඔහොම Institute ඉවර වෙලා English class පටන් ගන්න කලින් මොනව හරි කන එක සිරිතක්. නැත්තම් මහ රෑ 9 වෙනකම් කොහොම ඉන්නද.ගොඩක් වෙලාවට කන්නෙ ඉතිං බඩට සැහැල්ලු ආහාරයක් උන කොත්තු තමයි. කොත්තුව කන්නෙ අතීතයේ සිට මාතර ලොකු පොඩි කොල්ලො කුරුට්ටන්ගේ ගෞරවයට පාත්‍ර උන "කිළුටු Cafe" එකෙන්. ගෑණු ළමයි නම් ඕක තියෙන තැනවත් දන්නෙ නැතුව ඇති. ඒත් අවුරුදු 4ක් තිස්සෙ රු:60/- ට කොත්තු පිඟානක්ම දෙන ලංකාවෙ එකම කඩේ ඕක තමයි.

එදත් වෙනද වගේ කොත්තුවක් සප්පායම් වෙන්න ගියා. කියන්න බැරි උනා මේක මුස්ලිම් කඩයක්. තියෙන්නෙ බිත්තර සහ හරක්මස් කොත්තු විතරයි..මං එදා යනකොට ක්ලාස් එකේ තව කොල්ලෙක් බීෆ් කොත්තුවක් දෙසා බානවා. ඌව දැක්ක ගමන් මං හොල්මන් උණා. ඇයි අෆ්ෆා ෆේස් බුක් එකේ හරක් අයිතිවාසිකම් වෙනුවෙන් කෑ ගහන මූ මෙතන මස් ගිලිනවා.. මමත් බිත්තර කොත්තුවක් ඕඩර් කරල උගේ ළඟින් වාඩි උනා.

"හායි.. උඹ දැන්ද ආවෙ ? "
-"හ්ම්ම්.. ඒ බං ඔය බීෆ් නේද ? "

"ඔව් මචං.. දැං උඹ කියන්න හදන එක මං දන්නවා.. මං හරක් මරණවට විරුද්ධයි, ඒත් මචං මූ මැරුවෙ මං උදෙසාම නෙවෙයිනෙ.. ඒ නිසා පවු නෑ"
-"%^%#^&%*&%*&^(*^&(*"

"මචාං.. මොකද උඹත් හරක් විරෝධීද ? "
-"අපෝ නෑ බං.. මට හරකත් එකයි කුකුළත් එකයි. ඒත් හරක් මස් රස නෑ බං"

"අඩෝ මේවට ලේ හැදෙනව බං.. කාපාං"

ඌ පැය ගානක් තිස්සෙ හප හප ඉඳපු රබර් කෑල්ලක් වගේ මස් කෑල්ල මට දික් කරා.. කොච්චර හපලද කියනව නම් ඒකෙන් කෙළ බේරෙනව.මට ඔක්කාරෙට වගේ....

-"අවුලක් නෑ මචං.. එළ.. මේ දවස්වල බඩ පොඩ්ඩක් අවුල්. ඒකයි. උඹ කාපන්"

පොර සද්දයක් නැතුව ආපහු හපන්න පටන් ගත්ත. ටිකකින් මගේ කොත්තුවත් ආව. ඒක කාල ඉවර වෙනකනුත් අරූ අර මස් කෑල්ල හපනවා.. මං වතුර බොන්න නැඟිට්ටම පොර උත්සාහය අතෑරල ඒක පිඟානටම දාල ආවා. කඩේ වැඩට ඉන්න නාකි අංකල් අපේ පිඟන් දෙක අරන් කුස්සියට ගියා..

වතුර බොන ටැප් එක තියෙන්නෙ ඔය කුස්සිය දොරකඩමයි. මං වතුර ටිකක් බීල කොන්ඩෙ බම්ප් එක හදන ගමන් කුස්සිය දිහා බැළුවා. අංකල් කාරය මුලින්ම පිඟන්වල තිබුන Lunch sheet ගුලි කරල වීසි කරා. ලිපේ තඩි වළඳක ගොඳ ගොඳ ගගා තිබුන හොද්දක්.
වටපිට බලපු පොර අරූ චුයින්ගම් එක වගේ හපපු මස් කෑල්ල චස් ගාල අරකට දැම්මා.. ආපහු හැරුණම තමයි පොර මාව දැක්කෙ. හරියට මහසෝන දැක්ක වගේ අංකල්ගෙ කට ඇරුනා..
හරියට රීරි යකා දැක්ක වගේ මගේ කටත් ඇරුණා.. ඉස්සෙල්ල අරූ මස් කෑල්ල මට දික් කරද්දි දැනුන ඔක්කාරය ඩබල්, ත්‍රිබල් වෙලා..... කට අතින් වහන් එළියට දුවල ළඟ කඩේකින් හැක්ස් ටොපි 5ක්ම එක පාර කටේ හලා ගත්තා..

එතකොට තමයි මතක් උනේ මං කාපු කොත්තුවට සල්ලි දුන්නෙ නෑ කියල.. සල්ලි නෙවෙයි දෙන්න වටින්නෙ. ඒ රුපියල් 60/-න් කෝකටත් කියල අසමෝදගම් බෝතලයක් ගත්තා..

ආපහු ක්ලාස් එකට ගියාම අර මස් කෑල්ල විකපු එකා ඉන්නවා. මං ආපු වෙලාවෙ ඉඳන් "තුක්,තුක්" ගගා හිටියෙ..

"මොකෝ බං ගොළුබෙල්ලෙක් වගේ කෙළ වපුරන්නේ ? "
-"වමනෙට වගේ බං"

"ඇයි බඩදරු වෙන්නද ? හි හි.. කන්න ආස දෙයක් තියේ නම් කියපං, අම්මට ගියල හදල ගේන්නම්"
-"$@$%$%&*^^(*&^%%&"

මං පොරට දැකපු දේ කිව්වා.. ඌ දීපු උත්තරෙන් ආපහු මං කටත් අල්ලන් washroom එකට දිව්වා.

"අඩේ ඕක මොකක්ද බං.. ඒක අඩු ගානෙ ආපහු තැම්බෙනව. මං ඔය හොද්ද ගනිද්දි ප්ලාස්ටර් කෑල්ලකුත් හැපුනා. අයින් කරල කන එකනෙ බං.. ඒකනෙ ඕකට හැමෝම 'කිළුටු කැෆේ' කියන්නෙත්"

---

---

කතාව නම් සම්පූර්ණ ඇත්ත. මං නම් ආපහු ඕක දිහා බලං බත් කන්නෙවත් නෑ.. ඒත් 60/- කොත්තු දාන වෙන කඩයක් හොයාගන්න වෙනවා.

මෙන්න බ්ලොග් ලෝකෙට අළුත්, ඒත් හැකියාවෙන් පරිණත නංඟියෙක් / අක්කියෙක් / ඇන්ටියෙක්/ ආච්චියෙක්.. ඒකටත් යමින් ගමන් ගොඩ වැදිල යන්න..

>> කවුළුව <<