Skip to main content

කැපවීම - උනන්දුව සහ කාලෙකට පස්සේ....

domain එකේ renewal mail එක ගුගල් එකෙන් ආවම තමයි බ්ලොග් එකක් කියල මෙව්වා එකක් තිබුන නේද කියල මතක් උනේ. ජොබ් එකයි, ඩිග්රි එකයි, ෆේස් බුකියෙයි වැඩ වලට වෙලාව ගියාම බ්ලොග් කෙරුවාව නතර වෙලාම ගියා.

මුලින්ම ආගිය විස්තර ටිකක් කියල ඉමුකෝ.. (ඔව් ඔව් පම්පෝරියක් තමයි  ) ඉන්ස්ටියුට් එකෙන් එලියට පැනලා ජොබ් එකට ඇවිල්ලා දැන් අවුරුද්දයි මාස 3 ක් වෙනවා. ජොබ් එකට ආවේ බයේ ගැහි ගැහි internship/ trainee software developer කෙනෙක් විදියට උනත් මේ ටික කාලේ ඇතුලත, මේ වෙද්දී Head Of Development (HOD) එහෙමත් නැත්නම් Middle Level Management එකට පැන ගන්න පුළුවන් උනා. මොකද කින්ඩියට හිනා වෙන්නේ  ගොට්ට අල්ලලා නෙවෙයි බන්, කරවල කටු අමුවෙන් කාල තමයි මේ තරම්වත් දුර ආවේ. කොටින්ම කිව්වොත් එක දිගට පැය 24 ක් ඔෆිස් එකේ වැඩ කරපු උන් දැකල නැත්නම්, සප්ප්‍රයිස්  මෙන්න ඉන්නවා..

පළවෙනිම ජොබ් එක නිසාත්, වදයක් නැතුව බෝසාල සහ ස්ටාෆ් එකේ අනිත් උන් එක්ක ඉන්න පුළුවන් නිසාත් දුම්මල ගහල එලෙව්වේ නැත්නම් තව චිරාත් කාලයක් ඉන්න තමයි අදහස. බලමුකෝ...

ලොකු කම් දොඩා අවසානයි. අමාරුවෙන් කියවූ සැමට ස්තුතියි ! 

හරි. අලුතෙන් ෆීල්ඩ් එකට බහින නංගිලා මල්ලිලා දුලා පුතාලට වැදගත් වෙන ටිකක් කියන්නම්.. මීට අවුරුද්දකට දෙකකට කලිනුයි දැන් මේ වෙද්දියි කැම්පස් වලින් "ට්‍රේනින් පල" කියල එලියට දාන සෙට් එකේ පැහැදිලි වෙනසක් තියෙනවා. Interview එන බහුතරයකට තියෙන්නේ තියරි දැනුම විතරයි. අඩුම ගානේ සාමාන්‍ය දැනීම ප්‍රශ්නෙකට වත් උත්තර දිගන්න බැහැ. තනිකර අමුම අමු ගිරව්.

ආතල්ම සිද්ධිය මෙයාල code පවා කට පාඩම් කරනවා . දන්නා දෙයක්ම පොඩ්ඩක් හරි වෙනස් කරලා ඇහුවොත් හුටා තමා..

රත්තරනේ, ලක්ෂ ගණන් දීලා තියරි ටිකක් ඉගෙන ගෙන ට්‍රේනින් ආවම ප්‍රැක්ටිකල් ටික කරවලා මාසේ අන්තිමට සැලරි එකකුත් ගෙවන්න ප්‍රයිවෙට් කම්පැනි වලට නිකන් කසනවා කසනවා වගේ නැහැ. 

ඒ නිසා තනියම ඉගෙන ගන්න (self study) ඔයා කොහේ ගියත් මොන තැනක හිටියත් ඒකෙන් විතරමයි ගොඩ යන්න පුළුවන්. ඔයාගේ බැජ් එකේ 100 ක් ඉන්නවා නම් ඉතිරි 99 දෙනාට වඩා පොඩි එක දෙයක් හරි ඔයා තනියම ඉගෙන ගන්න. අනිත් හැමෝම දන්නා දේම ඔයත් දන්නවා නම් ඔයා යුනික් වෙන්නේ නැහැනේ. Interview එකකින් තෝරා ගන්නේ එන අයගෙන් විශේෂ කෙනෙක් මිසක් common interviewee කෙනෙක් නෙවෙයි.

අනික සැප බලාගෙන ට්‍රේනින් එන්න එපා. ට්‍රේනින් කියන්නේ අඩු පඩියට ගන්න පුළුවන් උපරිම වැඩ ගන්න එකට. නැත්නම් ඉතින් හැම කම්පැනි එකෙන්ම ෆුල් කොලිෆයිඩ් උන් විතරනේ ගන්නේ.
හරි ඇති කට්ටක් කාල ට්‍රේනින් එක ගොඩ දාගත්ත කියන්නේ එතන ඉඳන් ජිවිතේ මොන ජොබ් එක හම්බ උනත් ඒක කොච්චර අමාරු උනත්, නතින්..

20,000 ක පඩියක් ගන්න නම් ඔයා ආයතනයට 50,000 ක වත් වැඩ කරන්න ඕන. නැත්නම් ඉතින් 20,000 ට 10,000 ක වැඩ කරලා හරි, හරියටම තිතට 20,000 ක වැඩ කරොත් හරි කම්පැනි එකට ප්‍රොෆිට් එකක් නැත්නම් ඔයාව තියා ගන්නේ නැහැ.

Organization එකක් හැම තිස්සෙම අංක 1 ට බලන්නේ profit margin එක. ඒවයි founders, CEO, directors ල වෙස්සන්තරලා නෙවෙයිනේ employees ලට නිකන් පඩි ගෙවන්න  (අපේ බොසා මෙය නොදකිවා..! pray for me.)

උද්ගෝෂණ, වැඩවර්ජන කරා කියලා පවතින ක්‍රමය වෙනස් කරන්න බැහැ. කරන්න ඕන පවතින ක්‍රමයට අනුව තමන් වෙනස් වෙන්න ඕන. තමන්ගේ වගකීම යුතුකම නියමිත විදියට කරනවා නම් ඉබේම තමන්ගේ අයිතිවාසිකම් ටිකත් ලැබේවි. අපේ අයියලා කරන්නේ එකේ අනිත් පැත්තනේ.

හැබැයි මැරීගෙන වැඩ කරලත් කිසිම ප්‍රතිලාභයක් නැත්නම් හරි ඇගයීමක් නැත්නම් හරි, එතන ඉඳලා තේරුමකුත් නැහැ. තමන්ට ගැලපෙන තැනක්, තමන්ට නිසි ඇගයීමක් ලැබෙන තැනක් ඉක්මනින් සොයා ගන්න. 

හරි අන්තිමට කියන්න තියෙන්නේ ජොබ් එක කියන්නේ ජිවිතයම නෙවෙයි.. ජිවිතේ වැඩිම කාලයක් ගත වෙන්නේ මේ වෙනුවෙන්ම තමයි, නමුත් ජිවිතේ තව ගොඩක් දේවල් තියෙනවා විඳින්න.. ගත වෙන හැම තප්පරයක්ම ආපහු roll back කරන්න බැහැනේ. ඒ නිසා ඉන්න ටික කාලේ සේරම බැලන්ස් කරන ජොලියේ ඉමු. 

(මාසෙට පාරක්වත් ලියන්න ඕන )

Comments

  1. අනේ බං මේ ටෙම්පලේට් එක හෙන ඔලුව කැක්කුංනේ

    ReplyDelete
    Replies
    1. කමෙන්ට් එක පබිලිස් උනාද නැද්ද බං

      Delete
    2. පබ්ලිස් වෙලා තියෙන්නේ මේ :)

      Delete
  2. කොහොමත් ප්‍රයිවට් ආයතන වල සූරාකෑම තියෙනවා. ඒකට මුහුණ දීලා, නැගිටින එකාට, පාට් ටයිම් වගේ තනියම වැඩකරලා, තමන් කොලිෆයිඩ් වෙන්න කැපකරපු කාලයට සරිලන මුදලක් උපයගන්න පුළුවං... නේද?

    ReplyDelete
    Replies
    1. තනියම වැඩ කරන එක හොඳයි, නමුත් ලොකු රිස්ක් එකක් තියෙනවා.
      project ලැබෙන්න පුළුවන් නොලැබෙන්න පුළුවන්. ලෙඩක් දුකක් උනොත් එදා වැඩ කරලා හමාරයි.
      development, maintenance, support services, breakdowns මේ ඔක්කොම තනි පුද්ගලයෙක්ට handle කරගන්න බැහැ.

      Delete
    2. සුරාකැම ගැන නම් කියලා වැඩක් නැ, නමුත් බොහොම ඉවසීමෙන් තමන්ගෙ ප්‍රතිපත්ති ආයතන ප්‍රධානින්ට පැහැදිලව පේන්වන ගමන් productive , quality , accurate , විදිහට තමන්ගේ රාජකාරිය තිතට කරලා පෙන්නුවාම තමන්ට තැනක් හදාගන්න වැඩි කාලයක් ඕනේ වෙන්නේ නැ හැබැ දක්ෂයෙකුට....

      Delete
  3. අද තමා මේ පොස්ටුව කියෙව්වෙ යසිත් අය්ය කලින් දාපු පොස්ටුවකුත් මට සම්මුඛ පරීක්ෂණ වලදී සරින් සැරේ මතක් උනා අර තමන්ගේම project දෙක තුනක් කරන්න කියල එහෙම ලියල තිබ්බ පෝස්ටුවක් තිබ්බෙ. :) මේ ලිපියත් වැදගත් තව අවුරුද්දකින් විතර මමත් මේ field එකටම එනවනෙ.මාසෙකට පාරක් වත් මෙහෙම පොස්ටුවක් දානවනම් අනේ ලොකු දෙයක්.

    ReplyDelete
    Replies
    1. වැදගත්ම දේ practical knowledge තමයි, අද නැත්තෙත් ඕකමයි, ජීවිතේට ලෙක්චර්ස් ගියාට, තියරි පාඩම් කරාට ඕක ගන්න බැහැ.

      අනිත් එක මම දැකල තියෙනවා ඩිප්ලෝමා වගේ ඉවර වෙලා ගොඩක් අය ජොබ් එකකට නොයා ඩිග්රි එකත් ඉවර කරලම යනවා කියලා ඉන්නවා. මහම මහා හරක් වැඩක් ඒක නම්.

      ඩිග්රි සහතිකේ අරන් ගියත් ඔයාව ගන්නේ එතකොට ට්‍රේනින් ලෙවල්. මුල ඉඳල හැම දෙයක්ම පටන් ගන්න ඕන.
      ලොකූ පඩියක් දෙයි කියල හිතුවට වැඩක් කරගන්න බැරිව ඩිග්රි කොලෙන් මෙලෝ වැඩක් නැහැ. එහෙම උනාම සති 2 න් එළියේ..

      IT field එක තමයි කරන්න අමාරුම, ඒ වගේම පට්ටම විදියට හම්බ කරන්නත් පුළුවන් ෆීල්ඩ් එක. කම්පැනි එකේ නම ලොකු පමණින් පඩි වැඩි වෙන්නෙත් නැහැ. සමහර පොඩි කම්පැනි වල අර ලොකූ කියන ඒවා වගේ 10 ගුණයටත් වඩා ගෙවනවා.

      Delete
    2. හරියටම හරි යසිත්, මං IT ෆීල්ඩ් වැඩ කරන කාලෙත් අපි ගොඩක් දෙනෙක් මුහුණ දුන්න බරපතල දෙයක් තමයි තමන් ගොඩක් ඉහළින් පස්ස් වෙලා ආවත් තමන් තුල ප්‍රායෝගික දැනුම නැති බව පිලිඟන්න, ඉවසන්න අකමැති අයත් එක්ක වැඩ කරන එක, 100 % එකඟයි ඔයාගෙ මේ comment එකට.

      Delete
  4. Replies
    1. [im]http://gifdanceparty.giphy.com/dancers/chicken.gif[/im]

      Delete
  5. මාත් ආවා මේ පැත්තට කමෙන්ටුවක් දිගේ. සුභ පැතුම් !

    ReplyDelete
  6. අමුතුම විදිහෙ බ්ලොග් එකක්.. මම මුලින්ම ආවෙ අද. හැබැයි ආයෙ හැමදවසකම එනවා. දිගටම ලියන්න.

    ReplyDelete
    Replies
    1. හැම දවසකම ආවට කියවන්න අලුත් ලිපි තමයි නැත්තේ :(

      Delete
  7. අදයි මේ පැත්තේ එන්න වෙලාවක් ලැබුනේ, යසිත් ඇත්තටම කට්ටක් කාල උඩට ඇවිත් තියෙන බව කාලෙකින් පොස්ට් එකක් ලියන්න තරන් හිතට දැනිමෙන්ම පැහදිලි, නැත්නම් කාට බොරු කලත් තමන්ගේ හිතට තමන්ව රවට්ටගෙන ජිවිතේ වෙනසක් උනා කියල ලියන්න හිතෙන්නෙත් නැහෙනෙ,එකත් කාලෙකින්.

    තමන්ට නොසැලෙන අධිශ්ඨානයක්යි කැපවිමකුයි කාටවත් ඔලුව නමෙන්නේ නැතුව තනියම ඉහළට යන්න හිත ඇතුලෙන්ම ඕනකමකුයි තියන කෙනෙකුට පහු වෙලා හරි තමගේ කැපවිම් වල නියම ප්‍රතිඵල ලැබෙන බව මං දන්නේ අත්දැකීමෙන්, හැබැයි අනිත් අයගේ පහනෙන් එළිය බලලා ගිය අයටයි, ප්‍රායෝගික දැනුම තමන් ගාව නැතුව ගිය අයටයි ඉතින් අබ සරයි කියල තමා කියන්න වෙන්නෙ ජිවිතේ කවදා හරි.

    මෙතනින් නොනැවති තවත් ඉහළ යන්න ලැබේවා කියලා පතමි..

    ReplyDelete
    Replies
    1. බොහොම ස්තුතියි මේ පැත්තේ ආවට :D සහ පැතුමට :)

      Delete
  8. වටින කතාවක් යශ්. සහතික ඇත්ත. පොඩි හරි දෙයක් ගන්න අයට මේ ලිපිය වටිනවා. ජය.

    ReplyDelete
  9. ලිපිය නියමයි යසිත. මාත් ඕං ට්‍රේනින් කියල කැම්පස් එකෙන් එලියට දාල තියෙන්නෙ. මටනං වැදගත් මේක. ඔන්න මං හොයාගෙන හොයාගෙන ආව. දැං ඉතින් දිගටම එනව.

    ReplyDelete
  10. අඩේ. ආයෙ ලියන්න පටන් ගත්තද? මට මෙච්චර දවසක් රණ්ඩු වෙන්න බ්ලොගර් කෙනෙක් නැතුව අප්පා හිටියෙ!

    වෙල්කම් බැක්! පම්පෝරි ටික ඕක්කොම කියෙව්වෙ නෑ! බට් ජය වේවා!

    ReplyDelete
    Replies
    1. :D ඒ කොමෙන්ට් එක දැක්කෙත් අවුරුදු 4 කට පස්සේ

      Delete

Post a Comment

◘ සිංහල අක්ෂර භාවිතා කිරීමට : වම්පස පහල "සිංහල" බොත්තම click කරන්න.
◘ Photo comment දැමීමට : [im]http://1.bp.blogspot.com/-jk5ApMyd4VM/UnkD_bWnI9I/AAAAAAAACAQ/gedRQoN9cmQ/s1600/image.png[/im]
♥ පෞද්ගලික පණිවිඩ සඳහා : info@yasith.net

You May Like Also,

පන්සිය පණස් ජාතක පොත

මේක දෙන්නෙ හිටියෙ මීට ගොඩ දවසකට කලින් උනත් විවිධ හේතු නිසා අතපසු උනා.. අද පෝය දවසෙ කොහොම හරි දානව කියල හිතා ගත්තා... පන්සිය පණස් ජාතකය, ඔව් බුදුරජාණන් වහන්සේ පෙර ආත්ම 550 ක , උන්වහන්සේ විසින් දේශණා කරපු ජාතක කතා මේකෙ ඇතුලත්.. අපි සාමාන්‍යයෙන් දන්න විදියට පන්සිය පණස් ජාතකය කිව්වට දැනට නිකුත් වී තියෙන ග්‍රන්ථයේ ඇතුළත් වෙන්නෙ ජාතක කථාංග 447 හෝ 446.. අනිත් 3 හෝ 4 ගැන සඳහනක් නෑ.. නමුත් මේ විද්‍යූත් ලේඛන පිටපතේ ජාතක කථාංග 550 ම ඇතුළත්.. අවසන් කථාංග 4 බුදුරජාණන් වහන්සේ දේශනා නොකළ නමුත් කටවහරෙන් පැවතෙන ජාතක කථාංග ඇතුලත් කරල තියෙනවා.. මට මේක හම්බ උනේ වෙන වෙනම කොටස් විදියට. මං සියල්ල එකතු කරල තනි PDF file එකකට merge කරා... අවශ්‍ය තැන් bookmark කරන් කියවන්න පුළුවන්නෙ... 19.9 MB  ඔබගේ පරිගණකයේ මෙහෙයුම් මෘදුකාංගය Windows XP හෝ Windows 7 නම්, PDF file reader එකක් නැතිනම් මෙතනින් adobe reader එක අරගන්න..

බ්ලොග් එකේ Navigation Bar එක අයින් කරමුද ?

අපි බ්ලොගර් වලින් බ්ලොග් එකක් හැදුවම මෙන්න මෙහෙම බ්ලොග් එකට උඩින් Navigation Bar එකක් වැටෙනවනෙ. කැතයි වගේ නේද ? එහෙනම් ඉතින් අයින් කරමු. මේක අයින් කරාම බ්ලොග් එකේ SEO වඩා හොඳින් වෙනව කියල  digitalpoint forum එකේ තිබුන. නමුත් ඒ ගැන නම් මං හරියට කියන්න දන්නෑ. මෙන්න මෙහෙමයි වැඩේ , ඔයා පැරණි blogger interface එක නම් පාවිච්චි කරන්නෙ, Dashboard  >> Design >> Edit HTML වෙත යන්න. අළුත් blogger interface එකේ නම් කෙලින්ම Template කියල තියෙනව. දැන් මේක කරන්න කලින් full template එකම download කරන් ඉන්න. නැත්නම් වරද්දගෙන මට බනින්න එප. (වරදින්න දේකුත් නෑ හැබැයි ) දැන් අළුත් blogger interface එකේ අයත් තමන්ගෙ දැනට active template එකේ Edti HTML වෙත යන්න. දැන් මෙහෙම පණිවිඩයක් ආවනෙ. එතන Proceed ක්ලික් කරන්න.  දැන් ඔයාගෙ template එකේ HTML කෝඩ් තියෙනව පෙනෙයි. දැන් මේ පහත රූපෙ විදියට variable definitions කියන තැන හොයා ගන්න. අමාරු නම් Ctrl + F ගහල හොයා ගන්නකො.  දැන් ඔන්න ඔය කෝඩ් එකෙන් උඩට, ඒ කියන්නෙ *variable definitions තැනයි උඩ කඩ ඉරි පේලියයි අතරට මෙන්න මේ පුංචි කෝඩ් එ

පෙම්වතියක් තෝරගන්නෙ කොහොමද ?

හනී බනී වෙන් වෙලා දැන් මාස 8ක් විතර ඇති. ගොඩක් දෙනා අහන දෙයක් තමයි එච්චර  ආදරේ කරා නම් කොහොමද දැන් ගානක් නැතුව ඉන්නෙ කියන එක. ඕකට හොඳ උදාහරණයක් කියන්නම්. අපේ තාත්තගෙ මිත්‍රයෙක්ගෙ wife ළඟදි Cancer එකකින් නැති උනා. පෞද්ගලිකවම මං දන්න දෙයක් තමයි ඒ දෙන්න අතරෙ පුදුම ආදරයක් තිබුනෙ. එයාලගෙ විවාහ ජීවිතේට අවුරුදු 19කටත් වැඩියි. ඒත් මළ ගෙදරදි, ආදාහන කටයුතු කරද්දිවත් ඒ අංකල් පොඩ්ඩක්වත් ඇඬුවෙ නෑ. කිසිම දුකක් පේන්න තිබුනෙත් නෑ. හිස් බැල්මෙන් බලාගෙන හිටිය විතරයි. කටයුතු ඉවර වෙලා අපි ආපහු යනකොට ඒ මනුස්සය කිව්ව හරි අපූරු කතාවක්, "නෝන නැති උනාට මට දුකක් නෑ.. ඒත් එයා නැති පාළුව මගේ ජීවිත කාලෙම තියේවි. පහුගිය අවුරුදු 19ටම එයා මටත්, මගෙන් එයාටත් වෙන්න ඕන යුතුකම් ටික ඉටු කරා. අපි දෙන්න දෙන්නටම ණය නෑ.." එච්චරයි.. මමත් කාටවත් ණය නෑ.. ඒත් අද (ඔක්තෝම්බර් 30) තමන්ගෙ 20 වෙනි උපන් දිනේ සමරන හනී බනීගෙ සියළු කටයුතු, අනාගතේ, බලාපොරොත්තු සාර්ථක වෙන්න කියල මං හදවතින්ම ප්‍රාර්ථනා කරනවා.. ඇත්තටම ඇයි කොල්ලෙකුයි කෙල්ලෙකුයි (සම්මතයට අනුව) යාළු වෙන්නෙ/ ආදරේ කරන්නෙ/සම්බන්ධයක් ඇති කර ගන්නෙ ?? කෙල්ලන්ගෙ පැත්ත