Thoughts Of Yasith | යසිත්ගේ සිතුවිලි

මගේ දුකට සැපට ළඟින් අවුරුදු 6ක් ඉඳපු කොම්පියුටරේ ලෙඩ වෙලා. විසික් කරල අළුත් ඒව ගන්න වත්කමක් නැති හින්ඳම මේකම මූට්ටු කරන් ආව.නිකං ඉන්නකොට වගේ බස් කාරයො බලෙන් එක්කන් යන්නෑ. මේ තඩි සිස්ටම් යුනිට් එක දැක්කම තව ලෑල්ලටම පාගනව.මාත් ඉතිං මට නෙවේ වගේ එනව.නැත්නම් නෝන්ඩිනෙ. හීනි පොද වැස්සෙම කොහොම හරි ස්ටෑන්ඩ් එකටත් ආව.නැත්නම් මඟින් නඟිනව බොරු.හ්ම්ම්.. ඒකෙත් කරුමෙට බස් එකක් නෑ. මං සිස්ටම් යුනිට් එක බිමින් තියලා වාඩි උනා.. හ්ම්ම්. අදකාලෙ ලැප්ටොප් වලින් මෙහෙම ප්‍රයෝජන ගන්න පුළුවන්ඳ ? බෑනෙ.ඒ අතින් මේක කොච්චර හොඳද.මං කටත් ඇරං ස්ටෑන්ඩ් එකේ වහල දිගේ බේරෙන වැස්ස දිහා බලං හිටියා. එතකොටම මට එහා පැත්තෙ බංකුවෙ කෙනෙක් ඇවිත් වාඩි වෙනව යාන්තමට ඡායාවක් වගේ දැක්ක. ඉතිං මට මොකද. මං ඒ දිහා නොසැලකිල්ලෙන් බලල අහක බලා ගත්තා.. ඈ.. මොකක්ද බොලේ ඒ.. මං ආපහු හැරිල බැලුව.මට නොදැනිම ලොකු කෙල ගුලියක් ගිලුන. අම්මට සිරි, ගිණි කිකිළියෙක් වගේ. උඩිනුත් ඕපන්, යටිනුත් ඕපන් මේ වැස්සෙ හීතල හුලං වදින්න වෙන්න ඇති. ඒත් හීතල කොහොම වෙතත් මගේ නම් හිරිගඩු පිපෙනව වගේ මේව දැකල. අම්මප හිරි ඔතප් තියෙනෙ කොල්ලෙක් විදියට මට ලැජ්ජයි මේව බලන්න....

මොණර පෙම #1 මොණර පෙම #2 “මට කියන්න යසිත් , මාව කවදාවත් තනි කරන්නෙ නෑ නේද ? “ මයුරි සිය දහස්වෙනි වරටත් මේ ප්‍රශ්ණෙම මගෙන් ඇහුව. මේකට මං කී පාරක් නම් උත්තර දීල ඇත්ද, ඒත් ඒ උත්තරේ නැවත නැවත අහන්න එයා ආස කරනව. -”නෑ වස්තු, කවදාවත් නෑ. ඔයා මාව දාල ගියත් මං කවදාවත් එහෙම කරන්නෑ සත්තයි” මගේ පපුවට තුරුල් වෙලා හිටපු ඇගේ මුහුණ දෝතිම අරන් ඒ දිලිසෙන ඇස් දිහා බලන් මම කිව්වෙ හදවතින්මයි. යම් කෙනෙක් මේව බොළඳ ප්‍රාථමික මට්ටමේ ක්‍රියාවන් කියල අර්ථකතනය කරයි. ඔව් මමත් ඒකට එකඟයි. නමුත් මම විස්වාස කරන විධියට ආදරයක් ආදරෙන් පවත්වාගෙන යන්න නම් ඒ බොළඳ බව අනිවාර්යයෙන් තිබිය යුතුයි. “ඒත් මට බයයි යසිත්, කවුරුහරි මගෙ මහත්තයව මගෙන් උදුර ගත්තොත් ? “ -”එහෙම උනොත් ඔයා මොකද කරන්නේ ? ” මං හිනාවෙමින් ඇහුව. “එහෙම උනොත්……. එහෙම උනොත් මං ඒකිව මරාගෙන මැරෙනව” ඒක එයා ආවේගයෙන් කියපු හැටියට නම් ඒක නිකම්ම කියපු දෙයක් නෙවෙයි කියල මට තේරුණා. කොහොමත් ආදරයයි වෛරයයි කියන්නෙ එකම පිහියක දෙපැත්ත කියල කවුද කියපු දෙයක් මට මතක් උනා. අපි කවුරුත් තමන් ආස කරන , ආදරේ කරන දේවල් අයිත් කර ගන්න ආසයි. ඒත් ඒ දේ තමන්ගෙ කරගන්නකම් ත...

හුඟ කාලෙකින් කෙල්ලව හම්බ උනේ.නිදහසේ කතා කරන්න වෙලාවක් ඇත්තෙම නෑ..බීච් ගියොත් පොලිසියෙන් අල්ලන නිසා ලඟ තිබුන රක්ෂිත අභය භූමියට රිංගුව. ආරක්ෂාවටත් හොදයිනෙ.. ඉතින් මෙහෙම ටික වෙලාවක් කෙල්ලගෙ හුරතල් බල බල ඉන්න කොට අපි ඉන්න තැනට පැන පැන ආවනෙ පුළුන් වගේ සුදු හාවෙක්. ඌව දැක්ක විතරයි කෙල්ල මැරෙන්න හදනව ඌ හුරතල් කරන්න අල්ලල දෙන්න කියල. ඇයි අප්ප මෙච්චර හුරතල් මම ඉඳලත් මොකටද කැලෑ සත්තු. අනේ මංද වෙලාවකට මේ ගෑණුන්ටත් ඕන නැති මඟුලක් නෑ. මොනව කරන්නද කුරුමානම අල්ලල පැන්න හාවගෙ ඇඟ උඩටම. මොන, කටේ වැලි පිරුන එක විතරයි. ඒ මදිවට කෙල්ල හිනා වෙනව නෝන්ඩියට. මොන කොල්ලද කැමති බඳින්න කලින් කෙල්ල ඉස්සරහ නෝන්ඩි කන්න. අනික මේ ඇටිකිත්තං හාවෙක්ට. මමත් නැගිට්ට ගමන් 'ඔහෙ හිටු ඔහෙ හිටු' කියල හාවගෙ පස්සෙ පැන්නුව. මොන,හාවත් හුරේ රන් එකක් දෙනව නැට්ට උස්සන්. වැඩි දුරක් යන්න උනේ නෑ. හාව එක පාරටම කොහේ ගියාද මංදා. මං ආපහු එන්න හැරෙනකොටම 'බරාස්' ගාල වලකට ඇදන් වැටුන. වෙලාවට කොන්ද කැඩුනෙ නෑ. නැගිටල වට පිට බලද්දි මෙන්න තියෙනව උමඟක් වගේ මඟුලක්. ඒකෙ කෙලවර එලියත් පේනව. ඒ කියන්නෙ අනිව මේකෙන් එලියට යන්න පුළුවන්. ...

"වයි දිස් කොලවරි කොලවරි ඩී" 'මොන මගුලක්ද' මම බැන බැන ෆෝන් එකේ එලාම් එක ඕෆ් කරා..අද පංතිත් නෑ..මොකටද උදෙන් නැගිටින්නෙ.. "ඔබ එන්න සුළඟේ දැවටිලා...මම ඉන්නෙ ඔබ දැන් එයි කියා......." ඒ පාර කෝල් එකක්..පුදුම වදයක් වෙලාවකට මේ ෆෝන් එකෙන්..මම මිස් කෝල් ගහන එකාගේ දෙමව්පියො ආදරෙන් මතක් කරන ගමන් නොම්මරේ බැළුව... අම්ම ගහයි බැට් එකෙන් එලව එලව.මම මතක් කරල තියෙන්නෙ මගේ ආදරණීය නන්දම්මයි මාමණ්ඩියයිනෙ..මිස් කෝල් ගහල තියෙන්නෙ මගේ වෙන්ඩ වයිෆ්.. හරිනෙ බොලේ දැං මතක් උනේ..අද එයාව මීට් වෙන්න පොරොන්දු උනානෙ.පරක්කු උනොත් වසල හමාරයි..මම දඩි බිඩි ගාල ඇදෙන් පැනල ලෑස්ති වෙන්න දිව්ව.. 'අම්මේ..අම්මේ නැගිටින්න..මට අද පංති' උදේ පාන්දරම අම්මට බොරුවක් කියල නැගිට්ටෙව්ව..මූන කට සෝදන් ලෑස්ති වෙලා අම්ම උයල තිබුන කිරි හොද්දයි බතුයි එක්ක බත් ටිකක් ගිල්ල ටක් ගාල.. 'හවස් වෙනවද පුතේ එනකොට ? ' '- ඔව් අම්මෙ,හවස 5ටනෙ ඉවර වෙන්නෙ' 'එහෙනම් ඉන්න පුතේ.මං ටක් ගාල තව එළවලුවක් රත් කරල දවල්ට කන්න බත් එකක් බඳින්නම්.. ඔය කඩවල ජරාව කන්න හොඳ නෑ මේ දවස්වල' මට මුකුත් කියන්න ඉඩක් ...

තමන් පෙම්වතියට වගේ ආදරේ කරන තමන්ගෙ බ්ලොග් එක කවුරු හරි බුද්ධිමත් , ඒත් ඒ දැනුම යහපතට යොදවන්නෙ නැති #$^&#&$ එකෙක් හැක් කරොත් උගෙ දෙමවුපියන්ට බනින එක නෙවෙයි කරන්න ඕන. තමන්ගෙ තිබුන අඩුපාඩුව සකසල ඊටත් වඩා හොඳට සූදානම් වෙන එක. එහෙනම් බලමු වෙබ් එකක ඇඩ්මින් එකවුන්ට් එක හැක් කරොත් ආපහු අපි ගන්නෙ කොහොමද කියල. හැබැයි මෙහෙම පුළුවන් තමන්ගෙම හොස්ටින් එකක තියෙන බ්ලොග් අඩවියක් වගේ ඕනම ස්ක්‍රිප්ට් එකකින් හදපු වෙබ් එකක් නම් විතරයි. එහෙම හදපු එකකට ඇඩ්මින් එකවුන්ට් එකක් තියෙනවනෙ. ඕක කොහොම හරි හැක් උනොත් හරි ඒකට දාපු පාස්වර්ඩ් එකයි ඊ මේල් එකයි දෙකම අමතක උනොත් හරි මේ ක්‍රමේ අනුගමනය කරන්න. මං උදාහරණෙට ගන්නම් වර්ඩ්ප්‍රෙස් වලින් හදපු එකක්. අනිත් ඒවත් මීට සමානයි. මුලින්ම තමන්ගෙ හොස්ටින් cpanal එකට ලොග් වෙන්න. ඒකෙ ‘Databases’ යටතේ තියෙන ‘phpMyAdmin’ වෙත යන්න.. දැන් වම් පැත්තෙ සයිඩ් බාර් එකේ ඔයා හොස්ට් කරන වෙබ්වල ඩේට-බේස් ලිස්ට් එක වැටෙනව. ඒකෙන් ඕන කරන සයිට් එකේ ඩේට-බේස් එක තෝරන්න. එතකොට එතනම database table content ලිස්ට් එක එනව. දැන් ඕකෙ පහලට ගිහින් ‘_users’ තෝරන්න. එතකොට මේ විද...

විභාග වැඩත් ඉවරයි. ඒත් ගෙදරට වෙලා ඉන්න ගියාම තමයි ආපහු විභාග තියෙනව නම් හොඳයි කියල හිතෙන්නෙ   ලියන්නත් මාර කම්මැලියි. ඒත් එහෙම කියලත් බෑනෙ. එතකොට තමයි මේ ස්ක්‍රිප්ට් කෑල්ල සෙට් උනේ. Site Submit අඩවියක් කියන්නෙ යම් බ්ලොග් එකක් හරි වෙබ් එකක් හරි සෙවුම් යන්ත්‍ර වලට හදුන්වා දෙන මැදිහත්කරුවෙක් වගේ. ඒ කියන්නෙ මෙහෙමනේ, දැන් මේ සයිට් එක (www.sanhida.com) තිබුනට ගූගල් සෙවුම් යන්ත්‍රය මුලින්ම දන්නෙ නෑනෙ මෙහෙම එකක් තියෙනව කියල. දැන ගන්න ටිකක් කල් යනව. අපි දැන් මේක මැනුවෙල් ගූගල් එකට හදුන්වලා දෙනව නම් මේකට ගිහින් සබ්මිට් කරන එකනෙ කරන්නෙ. නමුත් එක් එක් සෙවුන් යන්ත්‍ර වලට වෙන වෙනම සබ්මිට් කරන එක හරිම කරදරයි.එතනදි තමයි මේ වගේ සයිට් අපිට ඕන වෙන්නෙ. අනිත් එක මේක හදල අපේ ඇඩ් දාල අපේම අඩවියක් විදියට මේක පවත්වාගෙන යන්න පුළුවන්. මෙතනින් බලන්න මං හදපු demo එක. හරි. පටස් ගාල මේක ඔයාගෙ කර ගන්න. පුළුවන් තරම් නොදන්නම අයටත් තේරෙන්නම කියන්නම්කො. මුලින්ම මෙන්න මෙතනින් ෆයිල් ටික බාගන්න. දැන් ඕක Extract කර ගන්න. දැන් ඔතන තියෙනව නේද adcode.html කියල ෆයිල් එකක්, අන්න ඒක Note pad එකෙන් ඕපන් කරන් ඔය...

'ඔයා නිදිද ? '-කවුද බං මේ මහ රෑ නිදාගන්නවත් නෑ' මම හිතින් බැන බැන ඇස් ඇරල බැළුව.. අම්මට සිරි කෙල්ලෙක් මගේ ඇඳ ගාව.මේ මහ රෑ , මගේ කාමරේට කෙල්ලෙක් කොයින්ද ? මෝහිනීද ? බුදු අම්මෝ එහෙම උනොත්.. 'බය වෙන්න එපා' '-ක..ක.. කවුද ඔයා ? ' ඇය සිහින්ව හිනා උනා.. මට එක දෙයක් ශුවර්..මම නිදා ගත්තෙ තනියම.. මේ කවුද ? කවදාවත් දැකලවත් නෑ.. මිනිස් දුවක් නම් වෙන්න බෑ.. මොකද මම ගැන දන්න මනුස්ස කෙල්ලෙක් මගේ කාමරේට තියා ගේ ලඟින්වත් යන්නෙ නෑ.. මෝහිනීම තමයි.. මෝහිනී උනත් පට්ට කෑල්ල. 'බය වෙන්න එපා..මම සුරංගනාවියක්' අම්ම ගහයි බැට් එකෙන්..දවල් කොල්ලොත් එක්ක කාපු කොත්තුව අප්සට් ගිහින් තමයි..අඩුවට කියල කාපු තැන,මම හිතුව මේක.. 'මට තේරෙනව ඔයා හිතන දේ.බලන්න මගේ ඇස් දිහා.. මම ආවෙ ඔයා හොයා ගෙනමයි' නියමයි.මාව හොයන් සුරංගනාවියක් ඇවිත්.කොහොමද ම්ං මේක හෙට යාළුවන්ට කිව්වම.මට මැවිල පේනව..මේ මොන විකාරයක්ද..හීන කියල මෙහෙමත් හීන දකිනවද.. බයෝ පංතියෙ කෙල්ලෙක්ව පෙනියන්කො පේනවත් වෙලා.. ඉතිපිසෝ ගාථාව කියල නිදාගන්න ඕන.. මම ඇස් දෙක තදින් පියා ගත්තා. එතකොටම උණුසුම් හුස්මක් මගේ...